संखुवासभा । संखुवासभा कारागारका कैदीलाई निर्माण ब्यावसायी संघले खसी उपहार दिएका छन् ।
आज शुक्रबार एक कार्यक्रम बीच नेपाल निर्माण ब्यवसायी संघ संखुवासभाले खाँदबारी कारागारका कैदीबन्दीहरुलाई खसी उपहार दिएका हुन् । १६ औं राष्ट्रिय निर्माण दिवसको अवसरमा चियापान सहित कैदीलाई खसी प्रदान गरेको निर्माण ब्याबसायी संघ संखुवासभाका अध्यक्ष सन्तोष राईले बताए ।
निर्माण ब्याबसायी संघका सल्लाहकार तथा पदाधिकारीहरु कारागार पुगी जेलर राजेन्द्र घिमिरेलाई खसी हस्तान्तरण गरेका थिए । चियापान तथा खसी हस्तान्तरण कार्यक्रममा निर्माण ब्यवसायी संघ संखुवासभाका सल्लाहकार संयोजक मिगुर शेर्पा, निवर्तमान अध्यक्ष कुलबहादुर श्रेष्ठ, कार्यसमिति अध्यक्ष सन्तोष राई लगायतका पदाधिकारीहरुको उपस्थिति रहेको थियो ।
बर्सेनि निर्माण ब्याबसायी संघले कैदीहरुलाई खसी दिने गरेका छन् । खाँदबारी कारागारमा हाल ८ महिला र १२२ पुरुष गरि १३० जना कैदीबन्दीहरु रहेका छन् ।
