संखुवासभा । जिल्लाको खाँदबारी नगरपालिका—७ स्थित खाँदबारी रंगशालामा जारी प्रथम तीनपोखरी कप फुटबल प्रतियोगितामा सितलपाटी एफसी सेमिफाइनलमा प्रवेश गरेको छ ।
शुक्रबार भएको तीन वटा खेलमा सितलपाटी एफसी सेमिफाइनलमा प्रवेश गरेको छ भने खाँदबारी र तुम्लिङ्गटार फुटबल क्लब क्वाटर फाइनलमा प्रवेश गरेको छ ।
जसमा आयोजक तीनपोखरी क्लब (रातो) लाई १–० हराउर्दै सितलपाटी एफसी सेमिफाइनलमा प्रवेश गरेको हो । त्यसैगरि खाँदबारी युथ क्लब र हिले फुटबल क्लब बीच भएको खेलमा ४—० को फराकिलो अन्तरले खाँदबारी युथ क्लब क्वाटर फाइनलमा प्रवेश गरेको छ भने हिले फुटबल क्लब पहिलो खेलबाट नै बाहिरिएको छ ।
त्यसैगरि एडभान्स क्लब र तुम्लिङ्गटार फुटबल क्लब बीच भएको खेलमा २—० ले तुम्लिङ्गटार क्वाटर फाइनलमा प्रवेश गरेको छ ।
तीनपोखरी समाज विकास क्लबले माघेसंक्रान्तिको अवसरमा प्रतियोगिता आयोजना गरेको हो । प्रतियोगितामा १२ टिमको सहभागिता रहेको छ ।
प्रतियोगिताको बिजयी टिमलाई नगद २ लाख २२ हजार २ सय २२ रुपैया सहित ट्रफी, मेडल र प्रमाणपत्र प्रदान गरिने आयोजकले जनाएको छ । उपविजेताले नगद १ लाख ११ हजार १ सय ११ सहित ट्रफी, मेडल र प्रमाणपत्र पाउनेछ । प्रतियोगिता माघ १ गतेसम्म सञ्चालन हुनेछ ।
