संखुवासभा । संखुवासभाको सदरमुकाम खाँदबारी आसपासको क्षेत्रमा सडकमा बेवारिसे अवस्थामा रहेका चार ब्यक्तिको उद्धार गरिएको छ ।
आइतबार मानवसेवा आश्रम विराटनगरले ति ब्यक्तिहरुको उद्धार गरि विराटनगर लगेको हो । मानवसेवा आश्रमद्वारा सञ्चालित ‘कोशी प्रदेश उद्धार यात्रा’ को क्रममा संखुवासभाको सदरमुकाम खाँदबारी र आसपासको क्षेत्रमा सडकमा बेवारिसे रहेको चार ब्यक्तिको उद्धार गरिएको हो ।
उद्धार गरिएका व्यक्तिहरूलाई खाँदबारी नजिकै सातकुवामा लगेर नुवाईधुवाई गरि कपाल काटेर नयाँ कपडा दिइएको थियो । ति ब्यक्तिहरुलाई कडा निगरानी गर्दै आश्रममा ल्याई प्रारम्भिक स्वास्थ्य परीक्षण, सरसफाइ, भोजन, कपडा तथा आवश्यक मनोसामाजिक परामर्श सेवा प्रदान गरिने गरेको मानवसेवा आश्रमका नवराज केसीले बताए ।
आश्रम राखेर उनीहरुको शारिरिक र मानसिक अवस्थाको सुधार पछि परिवारसँग सम्पर्क गराई पुर्नमिलन गराउने गरेको केसीले बताए ।
